尖沙咀分店有两层，单层面积比铜锣湾分店大，行起上嚟比较舒服，两层分别以创意生活同人文艺术为主题，有得买又有得食。不过正因为又有书卖，又有唔同品牌嘅专柜同食店，所以行起上嚟都有少少迷茫，感觉规划得有d乱。
作为全间诚品生活唯一嘅热食卖点，离远已经闻到香味。一边睇书一边闻住麵包香，都真係几写意。
掌生穀粒主张纯正蜂蜜精神，将8大果蜜带到嚟香港。以往要由台湾一樽樽咁搬返嚟香港先有得食，而家喺尖沙咀就有喇！不过价钱就比台湾贵，要方便定係要价钱平，就大家自己决定喇。
相信大家对呢个品牌都唔陌生，而全间诚品生活入面，御前上茶係唯一一间有设置座位畀客人进食嘅店舖，亦係唯一一间甜品店。
诺亚半熟蛋糕越开越多嘅诺亚半熟蛋糕，亦都进驻埋诚品生活。
虽然唔係过江龙，不过呢间本地代表亦好吸引，果酱全部由创办人以天然食材亲手製作，食落唔会太甜，清清哋啱啱好。
除咗以上嘅品牌之外，诚品生活亦有卖其他台湾食品。
以手工绅士鞋见称嘅林果良品，以男装为主打，不过部份鞋款有较细尺码，女仔亦啱着，但香港店暂时不设订造，只可以买现货，想订造嘅都係要去返台湾分店先得。
为咗纪念进驻香港，广富号亦推出咗香港特别版货品，包括麻雀图案散纸包、地道小食证件套等等，诚意十足！
grion最出名嘅係佢嘅环保袋，不过行到入去，记者反而被其他小物吸引住！
想知道更多其他品牌同埋工作坊嘅详情，就要留意10月5号出版嘅第839期《新假期》喇！
诚品生活地址：尖沙咀梳士巴利道3号星光行2-3楼
营业时间：10am – 10pm